Tekniker – Estrusioa optimizatzeko Digital-Twin subrogatua
Tekniker
Sektorea: Industria
Negozio-kasua
Pneumatikoak fabrikatzen dituen instalazio bateko errezeta aldatu ostean edo konposatu berri bat probatzeko estrusioa berriz sustatzea eskuz egin beharreko zeregina da eta langile bakoitzaren esperientzian oinarritzen da. Era berean, estrusioaren ekite bakoitzak hondakin jakin batzuk sortzen ditu eta egonkortze-denbora bat behar du. Denbora hori erabaki horien araberakoa da. Testuinguru horretan, AI-PROFICIENT proiektuak estrusioa berriro sustatzea optimizatzeko modua aurkitu du, 3 urteko aldian CONTINETALEN SCADAN erregistratutako seinaleak erabiliz.
Helburuak
– Estrusio-makinen egoera hautemateko gai den sistema garatzea, estrusioa une egokian berriro sustatu ahal izateko. – Abiadura-parametro optimoak identifikatzea, estrusioa berriro sustatzeko garaian hondakinak eta egonkortze-denbora murrizteko.
Erabilera-kasua
Azken 3 urtetan egindako estrusioak jasotzen dituen dataset zabala dagoenez, proposamena da estrusio-makinaren portaera imitatzen duten eredu subrogatuak erabiltzea ekoizpena gelditu beharrik gabe, sustatzeko parametro optimoak identifikatu ahal izateko. Era berean, eredu hori denbora errealean exekutatzen da estrusio-makinarekin batera, baldintzak estrusio bat sustatzeko egokiak diren ala ez zehazteko.
Azpiegitura
Ereduak aztertu eta garatzea, zerbitzari propioak erabiliz (CPUak, GPUak) On premise ustiapena.
Erabilitako teknologiak
Ikaskuntza Automatikoa edo Sakona
Erabilitako datuak
CONTINENTALEKO denbora-serieen 3 urteko historia
Erabilitako baliabideak
Analista baten eta arkitekturako langile baten jarduera beharrezkoa izan da ereduak moldatzeko eta hedatzeko. Halaber, CONTINENTALeko langileen (prozesuen ingeniariak eta IT) inplikazio handia beharrezkoa izan da, bai ereduaren ñabardurak ondo ulertzeko, bai hedapena egiteko.
Zailtasunak eta ikaskuntza
Modelatzeko hain konplexua den sistema batek (+200 aldagai, errezeta asko) inplikazio handia eta domeinuaren gaineko ezagutza handia eskatzen du, eta beharrezkoa da erabiltzaileekin egindako aldizkako bileren bitartez lortzea. Gainera, ereduak zabaltzean, aurreikusita ez zeuden eta beharrezkoak diren eskakizun/funtzio berriak agertu ohi dira.
KPIak (negozioan duen inpaktua eta ereduaren metrikak)
Datu historikoen gainean lortutako balio optimoen simulazioa eginez: – Kalitate oneko estrusioen hazkundea (% 33tik % 90era) – Gehien erabiltzen diren errezeten egonkortze-denborak murriztea (% 60, % 81 eta % 86, hurrenez hurren)
Finantzaketa
Europar Batasunak finantzatutako AI-PROFICIENT proiektua.
Kolaboratzaileak
CONTINENTAL
