BAICen familia hazten jarraitzen du: ongi etorria ematen diogu Siderex Basque Artificial Intelligence Center-en (BAIC) ekosisteman sartzen den erakunde laguntzaile berriari, altzairuaren sektorearen eraldaketa digitalean aurrera egiteko asmo sendoarekin.
Aliantza honek gure konpromiso partekatua indartzen du: Adimen Artifiziala modu estrategikoan aplikatzea industria siderurgikoan, haren efizientzia, iraunkortasuna eta lehiakortasuna bultzatzeko.
Hitzordu nabarmeneko lankidetza: Steel Tech 2025
Siderexen sarrera lankidetza aktibo baten barruan kokatzen da, eta dagoeneko lehen hitzordu handia ere badu: Steel Tech Congress & Expo, altzairuaren sektoreko berrikuntza teknologikoaren erreferentziazko ekitaldia, datorren urriaren 22an BECen (Bilbao Exhibition Centre) ospatuko dena.
BAICetik, hitzordu estrategiko hori babesteaz gain, aktiboki parte hartzen dugu batzordearen bitartez, eta AAk altzairuaren industrian dituen aplikazioei buruzko proposamen berritzaileenak hautatzeaz arduratzen gara.
Altzairuaren sektorean aplikatutako AA proiektu bat baduzu eta sektoreko erreferentziazko ekitaldi batean aurkeztu nahi baduzu, hau da aukera. Zabalik dago dagoeneko altzairuaren industriako Adimen Artifizialari buruzko Call for Papers deialdia. Zure proposamena papersteeltech@siderex.es helbidera bidal dezakezu, maiatzaren 31ra arte.
Euskadiko AA ekosistemari bultzada berri bat
Siderex BAICen sartzeak indartu egiten du AA praktiko batekin dugun konpromisoa, sektore bakoitzaren benetako erronkei aplikatua eta konektatua. Lankidetza honek erakusten du, beste behin ere, eraldaketa digitala ez dela helburu abstraktu bat, baizik eta aliantza estrategikoak, ezagutza partekatua eta etorkizunerako ikuspegia eskatzen dituen prozesu bat.
Ongi etorri, Siderex!
