BAICen enpresa-prozesuei aplikatutako adimen artifizialaren ezarpenean aurrera egiten dugu, EUSKALITekin lankidetza-hitzarmen bat sinatuz, Kudeaketa Aurreratua – Gestión Avanzada.
Aliantza honek Euskadiko enpresen hazkunde arduratsu eta eraginkorrarekin dugun konpromisoa sendotzen du, eta AAean oinarritutako irtenbideak eskaintzen ditu, prozesuak optimizatzeaz gain, enpresa-ingurune berritzaile eta jasangarriago bat ere sustatuz.
Lankidetza honen lehen ekitaldi gisa, atzo, urriak 14, Adimen Artifizialari eta Kudeaketa Aurreratuari buruzko jardunaldi bateratu bat gauzatu zen, lehiakortasun iraunkorrari ekarpena eginez, Zamudioko Parke Teknologikoko Kudeaketa Aurreratuaren Europako Astearen esparruan.
Topaketa horretan, erakundeak lehiakor irauteko dituzten erronkak eztabaidatu ziren, bai eta Adimen Artifiziala enpresa-kudeaketan nola txertatu behar den ere, estrategiak eta horrek bezeroengan, enplegatuengan eta, oro har, gizartean duen eragina barne. Halaber, Sener, LKS eta Eroski enpresen hiru kasu praktiko aurkeztu ziren.
Kudeaketa Aurreratuaren Europako Astea EUSKALITek Euskal Herrian antolatzen duen ekitaldi bat da, urtero 40 jarduera inguru biltzen dituena, 50 erakunde ingururen laguntzarekin. Topagune bat da, urtero, urria eta azaroa bitartean, hainbat jarduera antolatzen dituena Europako Erkidegoko Kudeaketa Aurreratuaren inguruko jardunbide egokiak eta esperientziak sustatzeko eta trukatzeko.
Kudeaketa Aurreratuaren 30. Europako Astea 2024ko urriaren 14tik 25era egingo da, “IRAUNKORTASUNA ETA LEHIATZEKO TALENTUA” lelopean. Testuinguru horretan, Biltzar bat egingo da urriaren 16an eta 17an Bilboko Euskalduna Jauregian.
