LKS Next – Deliveron
LKS Next
Sektorea: Jarduera profesionalak, Jarduera zientifikoak, Jarduera teknikoak
Negozio-kasua
Konponketak egiteaz arduratzen diren kontserbatzaileek arazoa zein den egiaztatzeko soilik jotzen dute bezeroarengana askotan eta beharrezko materialaren bila itzultzen dira zentralera. Denbora asko galtzen dute horrela.
Helburuak
Bezeroak intzidentziaren berri emateko garaian emandako informazioan oinarritutako konponketa-gidaliburu batzuk garatzea. Hala, kontserbatzaileak beharrezko materiala eraman dezake lehen aldian, eta beharrezkoak ez diren bidaiak aurreztu ditzake.
Erabilera-kasua
Bezeroak LTZri abisua eman ostean, elkarrizketa testu-formatuan transkribatzen du eta dagokion embeddinga (espazio bektorial baten duen posizioa) kalkulatzen da. Embeddinga lortutakoan, abisua aberia mota horietarako sortutako konponketarako gidaliburuarekin lotzen da (antzeko embeddinga duten aberiak). Ondorioz, kontserbatzaileak eskuliburu horrek iradokitzen duen materiala bildu dezake.
Azpiegitura
On Premise
Erabilitako teknologiak
Idatzizko edo hitz egindako hizkera, irudiak edo bideoak sortzen dituzten AAren arloko teknologiak (AA sortzailea). Ahotsaren errekonozimendua Testuen meatzaritza
Erabilitako datuak
Bezeroen eta LTZren arteko elkarrizketak, aberien abisu zaharren datu-basea (aparailuak, aberia-mota, aberiaren data, aparailua saltzeko data…) eta konponketa-prozesuei buruzko informazioa duten testuak.
Erabilitako baliabideak
Ezagutzak, aplikatiboa gordetzeko zerbitzariak eta zerbitzuen bidez lengoaiaren ereduetarako sarbidea dituzten langileak.
Zailtasunak eta ikaskuntza
Hemendik aurrera testu libre, ahots, irudi eta abar gisa egituratutako datuak baliabide oso baliotsua direla eta egokitzea beharrezkoa dela ulertzea.
KPIak (negozioan duen inpaktua eta ereduaren metrikak)
Kontserbatzailea konponketa egin beharreko lekura joatean, eskuliburua baliagarria izan den ala ez ikusiko du eta, hala, eskuliburu horiek sortzeko eredua berrelikatuko du. Hala, errorearen ehunekoa murriztuko da eta, ondorioz, bidaia gutxiago egin beharko dira konponketak egiteko.
Finantzaketa
Bezeroak eta dirulaguntza publikoak
